Облыстық семинар өткізілді

Жетісу облыстық білім беруді дамыту оқу-әдістемелік орталығы және Бастөбе сервистік-техникалық колледжі техникалық және кәсіптік, орта білімнен кейінгі білім беру ұйымдарының «Дәнекерлеу ісі» мамандығының арнайы пән оқытушылары мен өндірістік оқыту шеберлеріне

оқыту сабақтарын жүргізудегі тәжірибесімен бөлісу, заманауи жабдықтарды қолдану жолдарын қарастыру мақсатында «Дәнекерлеу мамандығы – болашақтың мамандығы» тақырыбындағы облыстық семинар ұйымдастырды. Семинар барысында колледж директоры Жамалбеков Мәлікжан Бейсенұлы колледждің материалды техникалық базаның нығайтылуы туралы айтты. Дуалды оқыту жүйесі бойынша оқу ісінің орынбасары М.Оспанова таныстырылым жасады.